SURUNKALI VIRUSLI GEPATITLARDA ULTRATOVUSH TEKSTURAVIY TAHLILINING DIAGNOSTIK IMKONIYATLARI
Abstract
Dolzarbligi. Hozirgi kunda surunkali virusli gepatitlar jigar to‘qimasining progressiv fibrozlanishi, sirroz va gepatosellular disfunksiyalarga olib kelishi sababli tibbiyotning eng dolzarb muammolaridan biri bo‘lib qolmoqda. Kasallikning erta bosqichlarida jigar parenximasidagi strukturaviy o‘zgarishlarni obyektiv baholash davolash taktikasini o‘z vaqtida belgilashda hal qiluvchi ahamiyatga ega. An’anaviy ultratovush tekshiruvi o‘zining xavfsizligi va qulayligiga qaramasdan, shifokorning subyektiv qaroriga tayanadi va ko‘pincha boshlang‘ich mikrosturkturali buzilishlarni o‘tkazib yuboradi. Shu bois, raqamli tasvirlarni qayta ishlash texnologiyalari, xususan, ultratovush tasvirlari piksellar teksturasi tahlili diagnostika aniqligini oshirishda muhimistiqbol kasb etadi.