ICHKI BO‘YLAMA KUCHLAR HISOBGA OLINGAN HOLDA TEXNOLOGIK MASHINALARNING TAXLAMLI ISHCHI ORGANLARIDAGI EGILISH TEBRANISHLARINING NAZARIY TADQIQINI SUN’IY INTELLEKT ALGORITMLARI YORDAMIDA BAHOLASH

Abstract

Mazkur ishda texnologik mashinalarning taxlamli ishchi organlari ( arrali jin mashinasining arrali silindrlari) dinamikasi va ularda yuzaga keladigan egilish tebranishlari nazariy hamda sun’iy intellekt (SI) modellari yordamida tadqiq etilgan. Diskli elementlarning nisbatan qisqa taxlamlari va qisqa vallardan tashkil topgan konstruksiyalar ko‘rib chiqilgan. Siljish deformatsiyalari va kesimlarning buralish inersiyasi hisobga olingan holda tizimning potensial va kinetik energiyasi ifodalari olingan hamda Gamilton prinsipi asosida harakatning differensial tenglamalari keltirib chiqarilgan. Yopiq kuch konturini shakllantiruvchi ichki bo‘ylama kuchlarning ta’siri va bikrlik parametrlarining tebranish chastotasiga ta’sirini baholash uchun sun’iy neyron tarmoqlari (ANN) qo‘llanilgan. SI modeli yordamida dinamik holatlarning bashorat qilish aniqligi yuqori ekanligi va tebranish barqarorligini ta'minlash yo'llari ko'rsatilgan.